Felemenkte Keriç keçiti sebebinden qavğa açıldı

22.10.201713:17

Felemenkte Rusiyenen bağlı qavğa başlna. Amsterdam Keriç keçitinde keçirilgen «asriy qurucılıqta» iştirak etken bütün şirketlerni teşkerecek ola.

Bu haberni tışqı ticaret naziri Lilianne Plaumen bildirdi. Ondan evel içtimayi ağlarda, Felemenkten Dematec Equipment BV и Bijlard Hydrauliek BV adlı eki şirket, Qırım köprüsi qurucılığında iştirak etkeni aqqında haber keçken edi. Şirketniñ reberiyeti, devlet tarafından keçirilecek teşkerüvler aqqında öz fikirini bildirdi.

Meselȃ, Dematec Equipment BVniñ başı Van den Hövel aytqanına köre, onıñ şirketi qurucılıqta iştirak etmedi, olar tek keçit yapmaq içün bir maşına yasağanlarını bildirdi. Ondan da başqa, onıñ şirketini sanktsiyalar qanunnını bozğanında qabaatlamaq mümkün degildir, çünki bu maşnanıñ yasalması Rusiyede keçti.

Ekinci Bijlard Hydrauliek BV şirketini ise, Dematec Equipment Bvğa, Rusiyede yasalğan arabası içün, kerekli bir alet yasağanında qabaatlaylar. Amma bu şirket, bir şey bilmegenini ayttı.

Felmenk ükümeti bu şirketlerni «içtimayi belgisiz ticaret» alıp barğanında qabaatladı ve devlet qanunları boyunca biznes alıp barmasını talap etti, haber ete u-f.ru.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция Avdet

Avdet gazetası