Bugün, 23 oktȃbr künü, «narazılıq alanları» faali Fazıl İbraimоvnıñ evine tintüvnen keldiler.
Bu aqta Facebook saifesinde advokat Mammet Mambetov bildirdi.
Onıñ aytqanlarına köre, tintüv Aqmescitte (Simferopol) Strelkovaya soqağında keçirile.
Bu yılnıñ avgust ayında Aqmescitniñ Jeleznodorojnıy rayon mahkemesi, 62 yaşlı İbraimovnı beş künge apis etken edi. Mahkemeniñ böyle qararı «Krımskaya roza» mesken massiviniñ qurucılığına bağışlanğan cemaat çıqışlarında iştirak etkeninden soñ çıqarılğan edi. O zamanki Aqmescit başı Gennadiy Baharev İbraimovğa söz bermeden, mahkeme diñlevinden çıqarıp taşlanması isteginen polislerge muracaat etken edi. O arada bir kötek çıqtı, ondan soñ İbraimovnı polislerni hadimlerine boysunmadı, dep apis ettiler.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
