Qırımda, İçki işler nazirliginiñ saytında keçirilgen saylavlarnıñ yeküni çekildi. Ğalebeni İçki (Sovetskoye) rayonınıñ bölük polisi, kapitan Enver Ablȃmitov qazandı.
İş reberleri ve safdaşları Enver aqqında tek güzel sözler aytalar.
«Bu insan er vaqıt aqıqatqa barıp yeter, işni soñuna qadar yapar, — dey Rusiye içki işler nzirliginiñ Sovetskiy rayonı boyunca çalışqan başlıq Andrey Ugrak. – sakinler, Enver aqqında tek yahşı şeyler aytalar. Ve elbette, bu sene keçirilecek «Narodnıy uçaskovıy» adlı butün Rusiye konkursınıñ finalında bizim hadimmiz temsil olacağına quvanamız».
Polis kapitanı Enver Ablȃmitov, Zavetnıy köyüniñ bölük polisidir, bu yerde eki biñden ziyade insan yaşaydır. Enverniñ tarif etkenine köre, o balalığından polis olmağa arzu ete edi.
Bölük polisi olıp çalışmaq- ağır iştir. Çünki sakinler öz problemaları ile, gece demey, kündüz demey, aynı oña keteler.
«Ayle dögüşmleri, qomşu ara zıddiyetligi, qırsızlıq, sakinlerge qanunlarnı añlatmaq – er şeyni becermek kerek ola», — dey Enver Ablȃmitov.
Yerli sakin Tamara Vasilenko da Enver aqqında ğayet güzel sözler ayta.
Künlerniñ birinde, bu qadınnıñ evinden tavuq qırsızlana. Qırsızlıq işini çezmek içün Enver Ablȃmitovnı işke qoyalar.
«O kerçekten de öz işi içün pek qayğıra, — dey nefaqacı. – Pek yahşı, göñülli bir adam. Kerek olsa, biz er vaıt oña muracaat etemiz. Qırsıalıqlar da azlaştı».
Zavetnıy köy memüriyetniñ başı Viktoriya Gritsay da Enver aqqında tek eyi sözler aytı.
«Bizler bir çoq profilaktik tedbirler keçiremiz.Sakinler bölük polisini bileler ve onıñ yardımında eminler»
Enver öz ğalebesi aqında – bu büyük irişmedir, dep ayta
«Maña qol tutqanlarğa teşekkürlerimni bildirem, Elbette, pek yardım etken, meni qadınım oldı, oña ayrıca teşekkürler».
Ogde daa, konkursnıñ bütün Rusiye basamağı. 1 noyabrden 10 noyabrge qadar, sakinler bizim iştirakçimiznge «Komsomolskaya pravda» gazetasınıñ saytında re bere bileler.
Qayd etmek kerek ki, ğalebege olğan dört namzet içinde üçü qırımtatarıdır.
Avdet haber etkenine köre, keçken eki sene boyunca, Qırımnıñ eñ yahşı bölük polisi olaraq Aluşta şeerinde çalışqan Refat Akseitov ola edi.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
