Foto: 25.10.2017, Aqmescit
Oktâbrniñ soñunda sıcaq avalar olğanı içün Qırımda meyva terekleri çiçek açıp başladı. Belli olğanı kibi, böyle adiseler Qırımda çoq yğz bere.
Qırım sakinleri içtimayi ağlarda çiçek açqan tereklerniñ ve başqa ösümliklerniñ fotolarını yerleştireler. Yaltada, meselâ, erik ve oleandr açqandır.
Daa sentâbr ayında Qırımda magnoliya, alma ve erılğan çiçek aça ediler. Magnoliya baarde açqan ösümliktir, amma bu yıl o küzde çiçek açtı. Alma Sudaqta çiçek açtı, Aqyarda ise, erılğan.
«Adetince, bu vaqıt ava salqınca ola. Ösümlikler biraz şaşmaladılar. Amma terek ve msümliklerge zarar kelmemek kerek, bu siyrek rast kelgen adise. Eñ çoq zarar, baarde ve qışta açıp başlağanlarında ayazlı ava olğanda kele», — dep ayttı Nikita bağçasindaki laborotoriya müdiri Anatoliy Smıkov.
Foto: «Podsluşano Yalta».
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
