Rusiye televideniyesinde alıp barıcı olıp çalışqan Kseniya Sobçaknıñ fikirine köre, onı ve Suleyman Kadırovnı, Qırım aqqında aytqan sözleri içün mahkemege bermege olmay.
«Qanunda territoria birdemligini ve birligini bozma teşviqler mahkeme işi olıp çıqa. Amma qanunda, devletniñ noqtai nazarına doğukelmegen, öz tüşünceleriñni aytmağa olmay degen, bir söz bile yoq. Bunıñ içün ne meni, ne Suleyman Kadırovnı mahkemege bermege olmay. Bu şey içün maküm etilgenler, ya siyasiy mabüslar, ya da qabaatsız ceza berilgenlerdir. Onıñ içün men bu kompaniyada bulunam. Sessiz şekilde qabaatları olmağan insanlarnı apislerge qapamasınlar, deyim», — dedi Sobçak.
Hatırlatamız, 24 oktȃbr künü, Kseniya Sobçak bu aqta endi, öz fikirlerini ifade etken edi.
«Halqara uquq boyunca, Qırım – Ukraina yeridir. Vesselȃm», — dedi Sobçak.
Avdet haber etkeni kibi, taqıqatçılar Suleyman Kadırovnı açıq separatizimge çağıruvlarda qabaatlaylar. (Rusiye Cinayi kodeksiniñ 280.1 maddesiniñ 2 qısmı).
