Qırım qurtarıcıları yanğan evden bir balanı alıp çıqtılar

25.10.201715:37

Seyitler (Nijnegorsk) rayonınıñ Karamin (Mihaylovka) köyünde çoq qatlı evde yüz bergen yanğın neticesinde eki insannı qurtardılar.

Bu aqta Qırım boyunca çalışqan Rusiye Fevqulâde nazirliginiñ matbuat hızmetinde haber ettiler.

Qurtarıcılarğa yanğın aqqında haber gece saat 23-te keldi. Daireleriniñ birinde balkon yanıp başladı, ateş, eki buyuk ve bir bala bulunğan odalarğa keçecegi havfı bar edi.

Zararlanğanlar, odalardan özleri çıqıp olamadılar. Qurtarıcılar bu insanlarğa yardım ettiler ve daa 15 sakinni yanğan evden çıqardılar.

«Saat 23:38 ateş bütünley söndürilgen edi. Yanğın başqa dairelerge keçmedi. Zararlanğanlar tıbbiy yardımğa muhtac degil ediler», – dep haber etile.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız. 

 

Author: Редакция Avdet

Avdet gazetası