2017 senesiniñ soñuna qadar, Qırım akimiyeti «Ay — Petri», «Mishor» ve «Dülber» adlı Qırım sanatoriylerni satlıqqa çıqaracaq. Olarnıñ fiyatı, toplam 388 million rubledir.
Qırımnıñ yer ve mülkiyet nazirliginiñ matbuat hızmetinde bildirgenlerine köre, mülkiyet şahsiyleştürüvi devlet tarafınen uyğunlaştırılğandır. Mülkiyet şahsiyleştirüv cedveline «Ay — Petri», «Mishor» ve «Dülber» adlı Qırım sanatoriyleri kirgendir.
«Ay — Petri» sanatoriyiniñ fiyatı 224, 7 million rubledir, «Mishor» 111, 2 million ruble ve «Dülber» sanatoriysi 52, 9 million turadır. Sanatoriylrni satma qararına akimiyet şahsiyleştirme boyunca devlet planını becermegeni içün kelgendir. 2017 senesi devlet mülkiyetinden 700 million rublege binalar satılmaq kerek edi, amma onıñ yerine tek 170 million ruble devlet hazinesine tüştü.
Mülkiyetni satlıqqa çıqarmaq içün Qırım parlamentiniñ razılığı kerek.
Bu üç sanatoriyni satmaq qararı 2015 senesiniñ iyün ayında belli olğan edi.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
