Qırımda messencer ve içtimayi ağlar arqalı, belli olmağan insanlar, Aqmescitte sanki dört balanı öldürgen manyak aqqında haber tarqatalar.
Olarnıñ haber etkenlerine köre, sonki balanıñ cesedi – 11 yaşna qızçıq – bu künler içinde Kuybişev bazarında taptılar. Amma polis hadimler, aytılğan şeyler yalan olğanını bildireler.
Böyle haberler, esasen yaş qadınlarğa yollanıla edi. Malümatlar ana – babalar arasında panika kötere edi.
Qırım müendislik ve pedagogika universitetiniñ psihilogiya kafedrasınıñ müdiresi, psihologiya ilimler doktorı Anjelika Luçinkina, yalan haberlerge inanmağa çağırdı.
«Halqta buña, «bir qadın ayttı» deyler. Şimdi malümatnı adamlarğa yetkizmek pek qolay. İçtimayi ağlarda yerleştirile vevesselȃm, er kez bile. Yalan polğanı belli tura», — dedi mütehassıs «Sputnik v Krımu» radiosınıñ efirinde.
Böyle yalan haber yaratıp, onıñ müellifi insanlarnıñ qorquları ve duyğuları üstünde ükümi olğanını köstermege istey.
«Mında sual peyda ola: kim ve ne içün bunı yapa? Eger ösmür olsa, demek o, dünya emiri olğanını sınap baqmağa istey. Eger bunı büyük insanlar yapa olsa, demek problema terence: bu ükümlik kompleksi, sizni menden kimse qorçalap olamaz, degen fikirni isbatlamağa istey. Men sizni qorquzam, dey. Ve böyleliknen polis hadimlerine işançnı yoq ete. Er kezni qorquda tuta. Qorqu bu yaramay şey, çünki retmi, keçmi o bir vaqıt patlay ve ne ola? Ana – babalar balasınıñ ayyatına qorqup başlağan soñ, kimni qabaatlay? Akimietni», — degen mütehassısnıñ sözlerini «RİA-Krım» bildire.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
