Qırımtatar faali Server Karametov, apis etilgen vatandaşlarınıñ ballarına 18 biñ ruble bağış etti

28.10.201710:30

Qırımtatar milliy areketiniñ veteranı Server Karametov, pensiyasından toplağan 18 biñ rublesini «Bizim balalar» yardım fondına bağış etti.

Bu aqta fondnıñ teşkilȃtçılarından biri olğan Elzara İslȃmova bildirdi.

«Bugün bizge Server qartbaba Karametov keldi. O, er vaqıt olğanı kibi,faal, ayat ve Vatan sever. Pensiyasından toplağan 18 biñ rubleni «Bizim balalar»ğa ketirgen», — dep yazdı o Facebook saifesinde.

Avdet haber etkeni kibi, Aqmescitniñ Jeleznodorojnıy mahkemesi 9 avgust künü Server Karametovğa, «polis hadimleriniñ emirlerne boysunmadı» qabaatınen 10 kün apis cezası berdi. Esli başlı qırımtatar faaline qarşı eki memüriy protokol tizdiler. «Öz başına keçirgen piketlerniñ nizamını bozma» qabaatınen, Karametovğa 10 biñ ruble para cezasını berdiler.

Hatrlatamız, «Bizim balalar» camaat teşebbüsini Aqmescitte, 2016 seneniñ yaz aylarında başladılar. Bu teşkilȃt, apis olunğan Qırım müsülmanlarınıñ ballarına yardım etmek içün tizilgendir. Başından berli bu birleşüv apiste olğan qırımtatarlarnıñ balalarına maddiy yardım köstergen ve çoq kereler bayramlar teşkil etken edi.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız. 

 

Фото аватара

Автор: Редакция Avdet

Редакция AVDET