Qırımtatarnı poliske tükürgeninde qabaatladılar

28.10.201712:26

Aqmescit (Simferopol) sakini Şevket Razzakovnı Rusiye Teqiqat komitetine sorğuğa çağırdılar. Anda oña «adamlar ögünde akimiyet temsilcisini aqaretlegeni» aqqında tömet bildirdiler.

Bu aqta advokat Emil Kurbedinov haber etti.

«Şevket Razzakov bizim ofisimizden bağlandı ve onı yalannen Taqiqat komitetine, şaat olaraq kelmege mecbur etkenleri aqqında bildirdi. Anda barğan soñ ise, onı qabaatlağanları aqqında bildi», dedi Kurbedinov.

Onıñ haber etkenine köre, teqiqatçı, Razzakovnı vidiokamera qullanıp, sorğuğa çekmege istedi. Razzakov ise, belgilengen advokattan ve suallerge cevap bermekten red etti.

Razzakovğa ketmege yasaq cezasını qoydılar.

Postanovleniyede, 2017 senesi 20 oktȃbr künü, Bağçasaray rayonı boyunca taqiqat komiteti tarafından, Şevket Razzakovğa qarşı «adamlar ögünde akimiyet temsilcisini aqaretlegeni» qabaatı boyunca cinayi iş açılğanı bildirile. Teqiqatçılarnıñ fikirine köre, Razzakov «polis snayper tarafına sebepsiz tükürip, onı çirkin şekilde sögdü».

Cemaat faali Osman Bilȃlov bildirgenine köre, laf mında, Bağçasarayda 13 aprel künü, Midat Mujdabayev ve Seydamet Mustafayevlarnıñ evlerinde keçirilgen tintüvler aqqında kete. Öz közünen körgenler, o vaqıt polisler küç qullanğanları ve tüfek atma sesleri eşitilgeni aqqında aytalar.

O zamzn, polisler, evlerinde tintüvler keçirilgen  eki qırımtatarnı ve olarğa qol tutmağa kelgen altı erkekni yaqaladılar.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız. 

постановление