Aqmescitte (Simferopol) bir qaç bazarnı daa yıqmağa planlaştıralar.
Bu aqta Qırım paytahtınıñ memüriyet başı İgor Lukaşev haber etti.
«Bir qaç bazar yoq etilecek. Birincisi bu Moskovskiy alqasından Aqmescit – Canköy yoluna qadar olğan bazar. Biz onı alıp taşlap, anda yeşillik yeri yapacaqmız, terekler saçacaqmız», — dedi Lukaşev.
Şeer başı yarmalıqlarnen olğan problemanı belgiledi. «Biz de yarmalıqlar keçirile, olar şeerge bir şey tölemeyler, paranı özleri toplaylar, amma olardan soñ pek çoq çöplük qala, çünki olar kimsenen añlaşma qurmaylar», — dedi şeer başı.
Ondan da başqa, belgisiz yerlerde satma noqtaları peyda olğanınen de küreşecekmiz, .ünki bugünge qadar yapılğan işler yetersiz, dep sayam.
«Anda mobil taqımlar çalışa: men kelem, olar arabalarınen qaçalr, yarım saatten kene qaytıp keleler. Bu balaban bir sistemadır, aynı adamlar rayon rayondan yüreler. Men episinden laqırdı ettim. Biz endi bazı qanunsız çalışqan bazarlarnı vesiqalarını yaptıq (Kuybışeva meydanı) – biz olarğa yer berdik. Olar raat çalışalar, kimsege tiymeyler. Ayvan bazarını da (Merkeziy bazar) keçirdik, meydançıq berdik», — dedi İgor Lukaşev. Yasaqlar, mallarını tükânlardan tış qoyğan satıcılarğa da qullanılacaq, dep haber eteler «RİA-Krım»da.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
