Qırımda bir kün içinde eki gaz borusı bozulğandır. Tünevin aqşam Aluştada Kastel (Vinogradnoye) köyü yanında orta basımda çalışqan ğaz borusı sındırıldı. Bugün saba ise, Degirmen köyde (Zaprudnoye), 270 mm. Diametrinde boru bozuldı.
Bu aqta «Krımgazseti» şirketiniñ başlığı Sergey Tarasov haber etti.
«Bozuqlarğa baqqanda, olar, diversiya neticesinde peyda oldılar, demege de mümkün», — dedi Tarasov.
«Krımenergo»da da, Aluştağa ve bütün yalı boyuna ışıq bermekte qullanılğan eki LEP zararlanğanını ayttılar. Bozulğan yerler tamir etile.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
