Marşrut areketlerni teşkil etmege aqları boyunca keçirilgen tolu konkurstan soñ, «Etalon» ve «Bogdan» marşrut taksileri Aqmescit yollarından ğayip olacaqlar.
Bu aqta Qırım paytahtı memuriyetiniñ başlıq muavini Sergey Krutsük haber etti.
«Tolu konkurs keçirilgen soñ, eski marşrutkalar yoldan ketecekler. Ümüt etemiz ki, konkurs bu seneniñ dekabr ayında, ya da kelecek seneniñ yanvarinda keçirilir», — dedi Krutsük.
Onıñ aytqanlarına köre, şimdi paytahtnıñt yollarında 70 qadar yañı «LİAZ» ve «Nefaz» avtobusları çalışa.
Er kezge beli olğan marşrutkalar ise, memurnıñ sözlerine köre, işlerini keregi kibi becermeyler. «Qayd etilgenine köre, saat 20.00 soñ, avtobuslar grafiklerine köre çalışmaylar. Keçirilgen teşkerüvlev, episi apansızdan edi», Krutsükniñ degen sözlerini bildire «KİA».
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
