Emine Ceppar ve Camala Ukrainanıñ, 100 eñ belli qadınlar cedveline kirdiler

06.11.20178:27

«Fokus» mecmuasınıñ fikirine köre, haberler siyaseti naziriniñ birinci muavini Eminne Ceppar ve Ukraina halq artisti Camala, Ukrainanıñ 100 eñ belli qadınlar cedveline kirdiler.

«Fokus»nıñ muarririyet birligi Cepparnı 60 yerge, Camalanı ise – 79 yerge yerleştirdi.

Keçken sene elde etken eñ büyük qazançıñız, degen muarririyetniñ  sualine, Emine Ceppar, yedi yaşlı qızı, onıñ iş neticelerini tanığanı aqqında ayttı. Cepparnıñ aytqanına köre, haberler siyaseti nazirliginden Yuriy Stetsni ketkeninden soñ, onıñ yerini almağa azır olğandır, dep bildire «Fokus»nıñ internet sanı.

«Fokus» qayd etkeni kibi, 2017 senesi, Camala sport Sarayında öz kontsertini berdi, «Sumayu» ve I Believe in U singllarını taqdim etti, Kiyevde yaşağan qırımlı Seit Bekir Suleymanovğa aqayğa bardı ve Qırımdan kelgenler içün açılğan qırımtatar maarif merkeziniñ açılmasında iştirak etti.

Neşirniñ qayd etkenine köre, şimdi Camala, çıqışı 2018 senesine tain etilgen yañı albomı üstünde çalışa.

09

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция Avdet

Avdet gazetası