İslâm Terek (Kirovskoye) qasabasında qırımtatar faali Ekrem Abdulvatovnıñ evinde tintüv keçirildi. Belli olğanı kibi, evelleri E. Abdulvatov İslâm Terek qasabasınıñ regional meclis reisi edi.
Bu aqta Facebook saifesinde «Krımskaya solidarnost» cemaat teşkilâtı haber etti.
Abdulvatov haber etkenine köre, polis hadimleri tintüvge çıqarılğan qararnen keldiler.
Е. Abdulvatovnıñ evinde bu tintüv, endi birinci degil. 2015 senesiniñ noyabr ayında onıñ evinde, Herson vilâyetinde elektrik ağları patlatılğanı sebebinden, cinai iş açılğanınen tintüv keçirilgen edi. Eki saat keçken tintüv neticesinde bir şey tapılmağan edi.
Hatırlatamız, bugün saba Bağçasarayda, Eski Qırımda ve Aqmescit rayonınıñ Zareçnoye köyünde, Seytumer Seytumerov, Alimdar Belâlov ve Eldar Kantemirovlarnıñ evlerinde tintüvler keçti.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
