Qırım boyunca, qırımtatarlarnıñ evlerinde, kene de tintüvler keçti

08.11.201714:36

8 noyabr künü, saba, Bağçasarayda, Eski Qırımda ve Aqmescit rayonınıñ Zareçnoye köyünde, qırımtatarlarnıñ evinde tintüvler keçirildi.

Bu aqta 8 noyabr künü, Facebook saifesinde «Krımskaya solidarnost» cemaat teşkilâtı haber etti.

Olarnıñ bildirgenine köre, Bağçasarayda polis hadimleri tintüvnen, cemaat faali, belli fotograf Seytumer Seytumerovnıñ evine keldiler. Belli olğanı kibi, S. Seytumerov iqtisad boyunca tasil alğan edi ve bugünki künde «Salaçıq» kafesinde memur vazifesinde çalışa edi. 11 oktâbr künü «Salaçıq» kafesiniñ saibi Marlen (Suleyman) Asanov yaqalanğan edi. Tintüvden soñ, Seytumerovnı polis idaresine alıp kettiler. Onıñ advokatı haber etkeni kibi. S. Seytumerovğa qarşı memuriy protokol yazıla. Mında «natsist timsalini cemaatçılıq içinde kösterme ve propaganda etme, ya da nastsist timsallerine oşağan şeylerni kösterme ve propaganda etme, ekstremistik teşkilâtlarınıñ timsallerini, ya da başqa yasaqlanğan timsallerni kösterme ve propaganda etme» qununı izaat etile.

Ondan da başqa, tintüvler, Eski Qırımda Krestyanskaya soqağında yaşağan Alimdar (posport boyunca Ruslan) Belâlovnıñ evinde keçti. Haber etilgenine köre, Belâlov Halal Fast Food yemek noqtalarında çalışa eken. Tintüvden soñ, Alimdar Belâlovnıñ evinde 3000 dollar ve 60000 ruble ğayip olğanı belli oldı. Alimdar Belâlovda çalışqan beş insannı rayon bölügine «qonuşma içün» alıp kettiler.

Bir tintüv daa Aqmescit rayonınıñ Zareçnoye köyünde Eldar Kantemirovnıñ evinde keçti.

Qırım advokatları Edem Semedlâyev ve Emil Kürbedinov tintüvler aqqında malümatnı tasdıqladılar.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET