Rusiyeniñ inhisarğa qarşı çalışqan Qırımdaki reberiniñ ölüsini taptılar

08.11.201714:39

Qırımda inhisarğa qarşı çalışqan hızmetiniñ reberi olğan Timofey Kurayevniñ ölüsini taptılar.

Bu aqta «RİA Novosti» agentligine polis hızmetinden haber ettiler.

«Krıminform» agentligine de bu haberni polis hızmetindeki menbalar haber etti.

Belli olğanı kibi, Kurayev 1973 senesi Moskvada dünyağa keldi. 1995 senesi Moskva devlet universitetiniñ mezunı oldı. 1996 senesinden berli içki işler hızmetinde çalıştı. 1999 senesi tışqı ticaret boyunca Bütün Rusiye akademiyasını bitirdi.

Rusiyeniñ Qırım boyunca çalışqan inhisarğa qarşı hızmetinde, Kurayev 2014 senesinden berli reberlik ete edi.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.