Keriçte, işlerini keregi şekilde becermegenleri sebebinden, lohsahane ekimlerine qarşı cinai iş açtılar.
Qırım prokuraturasınıñ matbuat hızmetinde haber etkenlerine köre, yerli sakinniñ muracaatı boyunca, lohsahanede teşkerüvler keçirilgen edi. Teşkerüv neticesinde, ekimlik hatası sebebinden yañ doğğan balanıñ sağlığına balaban zarar ketirilgeni anıqlandı.
Teşkerüv neticelerinde toplanğan materiallar, cinai iş alıp barmaq içün tahqiqat organlarına yollanıla. Bu vesiqalarnı baqıp çıqqan soñ, cinai iş açıldı. Tahqiqat tedbirleriniñ alıp barılması prokuratura tarafından idare etile.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
