Rusiyeniñ Devlet duması, ekinci oquvında Bergi qanunnamesine deñişmeler kirsetti. Bu deñişmelerge köre, 2018 senesiniñ 1 yanvarindan A sınıf benzinine ve dizel yaqtına aktsizlar paallaşacaqtır.
Bu aqta «Finmarket» haber ete.
Neticede, endi kelecek senesiden Ai – 92 benzini 40 rubleden paalı olacaq. Aİ – 95 benzini ise, bugün bile 40 rubleden ucuz tapmazsıñız.
Yaqarlıqqa fiyatlar ösecegi belli, çünki bundan qazanılğan paralar, Qırımda ve Rusiyeniñ diger yerlerinde yollar qurucılığına ketecektir.
Maaliye nazirliginiñ haber etkenine köre, araba benzinine ve dizel yaqıtına aktsiz paalaşma meselesi, yollar qurucılığını ve infrastrukturanıñ tezce çalışıp başlamasınen bağlıdır.
Qazanılğan paralarnı, birinciden Qırımda, Kaliningrad ve Uzaq Şarqta araba yolları qurucılığına yollanılacaqtır. Satlıqta bu neft mahsulatlarınıñ aktsiz qısımı 20% teşkil etecir.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
