2018 senesi «Armançıq» qırımtatar bala mecmuasına abune fiyatı köterilecek. Amma 2017 senesiniñ sonuna qadar abune olmağa yetişkenler, bütün 2018 senesi, mecmanı eski fiyatından alacaqlar. Bir yılğa yazılmaq içün indeks – 68310, yarım yılğa – 68309. Abune olmağa bütün Qırım ve Aqyar poçtalarında, muarririyet adresi boyunca mumukün.
«Armançıq» — yekâne qırımtatar bala mecmuasıdır. O, endi 6 yıldan berli derj oluna. Bu pek renkli ve faydalı mecmuadır. O, em ballarnı, em ana – babalarnı meraqlandıra bile. Bu sözlerge delil olaraq, 2015 senesi çıqqan mayıs – iyün sanındaki şiirni ketire bilemiz:
«Ana tilim, menim tilim,
Menim çoqrağım,
Menim gülüm, menim ilim,
Menim bayrağım.
Menim dalım, menim sırım,
Ana tilim.
Menim közüm, menim tamrım,
Ana tilim»
Yani, mında ana tili er bir nesilniñ ruhı ve aqılı içün pek faydalı olıp, ilimde, sanatta, vatanı Qırımda muvafaqiyetlerge irişmek içün kereli bir alemettir. Mecmuanıñ müellifleri tarafından qoyulgan böyle maqsad, bütün resimlerni, derc olunğan metinlerni içine siñgendir, ve mında iç farq etmez, bu «Rustem ustanıñ dersleri»mi, ya da «Аhmet aqaynıñ şaqaları»mı. «Armançıq» er bir sanında ösip keleyatqhan nesil içün bir oca olıp, ana tiline sevgi aşlay, Qırımnıñ güzelliklerne ufuqlarnı aça, tarihke nazar atıp, ballarğa keçmişni ögrete, vatanperverlik aşlay, evge, mektepke, ocalarğa ürmet beslemege ögrete.
Muarririyetiniñ işi ballarda aks tapqanını, olarnıñ mecmua adına yollağan çoqtan – çoq resimlerinden körmek mümkün. Bu resimlerge baqıp, balalıqnıñ güzel mevsimini hatırlamaq, pek acayip iştir! Genç oquycılarımız, tek resimler müellifleri olmaylar, olar bizim ile, atalar sözlerinen, aytımlarnen, aş tariflerinen, milliy urba dizayin fikirlerinen, qırımlılırnıñ adetlerinen paylaşalar. Bu şeyler episi, mecmuanı ve oqucılar arasındaki olğan icadiy bağnı kösteredir.
«Armançıq»ta tek milliy mevzular köterilmeydir, mında yaş oquycılar içün, başqa halqlarnıñ urf ve adetleri de aks olunadır, meselâ, masallar tercimesi ile, («Kot v sapogah» — «Çızmalı pardoş» müellifi Şarl Perro), uzaq dârlarlarnıñ ösümligi ve ayvanatı aqqında malümat berilip, balina balıqları, ya da fiillre aqqında tarif etiledir, ve elbette, Emine Üseinniñ güzel şiir dörtlükleri de bardır.
Bazen, öyle ola ki, sanki oqucılar Afrikadan, ya da Okeaniyadan kelgen ayvanat bağçasınıñ seyircileri olalar.
«Armançıq»nıñ saiyfelerinde Qırımnıñ qadimiy abidelerinden ve güzelliklerinden başqa, «Dünyamıznıñ yedi mücizesi» rubrikası altında Semiramida bağçaları, Heops erhamı, Eskender forosı ve başqa buña oşağan abideler aqqında malümat ala bileler. Böyle kibi rubrikalar, oquycılarımızğa dünyanıñ çeşitliginii ve aynı zamanda yekâneligini kösteredir.
«Armançıq», «Yıldız» mecmuası, «Qırım» ve «Yañı dünya» gazetaları kibi, ana tilimizde derc olunıp, İsmail bey Gasprinskiyniñ vasiyetini yerine ketirip, qırımlılırğa maarif, zemaneviy bilgi ve üner ketireler, fikir ver uh mustaqilligi aşlaydır.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
