Canköy rayonıñ Kamaci (Zareçnoye) köyünde, yerli milliy mektep esasında «Melevşe» adlı oquv – terbiye merkezi açıldı.
Böyleliknen, 3 yaşından 17 yaşına qadar ballar, endi bir yerde oquy bileler.
«Endi, bizde böyle haleflik peyda oldı: biz ballarnı 3 yaşından alıp, 17 yaşında mektep mezunı olaraq çıqaramız», — dey mektep müdiri Ruslan Ümerov.
Onıñ aytqanlarına köre, baştaları, eki farqlı idareni bir binada bulunması balaban problemalar çıqara edi.
«Sade meselelerde bile, problemalar çıqa edi – gaz, suv, ışıq fiyatlarını tölemekte bile. Masraflarnı bölüştirmek pek ağır iş edi», — dep, müdirniñ sözlerini Crimeantatatrs.club. ketire.
Yañı oquv – terbiye merkezinde 300 qadar bala ve ösmürler oquycaq.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
