Qırımda 83 yaşında Veciye Kaşka vefat etti

23.11.201722:53

Aqmescitte 83 yaşında qırımtatar milliy areketiniñ veteranı Veciye Kaşka vefat etti.

Aqmescitniñ merkezinde, qırımtatar faallerini (Bekir Degirmenci, Asan Çapuh, Kazim Ametov) yaqalağanları vaqtında Veciye Kaşka özüni yaramay duydı. Olıp keçken vaqialar yerinden onı acele yardım arabası alıp ketti, dep haber ete «Qırım.Aqiqat».

Qırım kütleviy haber vastaları bildirgenine köre, yaqalanğanlarnı, Türkiye vatandaşından «balaban kölemde para cerrarlığında» qabaatlaylar. Bu aqta, Rusiyeniñ Qırımda çalışqan FSB idaresine atıf etip, «Krıminform» bildire. Bu haberni daa TASS ve «RİA Novosti» tasdıqlay.

KHV tasdqlağanına köre, Rusiyeniñ Qırımda çalışqan içki işler nazirliginiñ idaresi, «cinai işni» Rusiyeniñ ceza qanunnamesiniñ 163 maddesiniñ 2 qısımı («Bir guruh adam tarafından yapılğan cerrarlıq») boyunca açtı.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET