Rusiye prezidenti saylavlarına öz namzetini köstergen belli alıpbarıcı Kseniya Sobçak, Qırım aqqında aytqan sözleri sebebinden, Rusiyeniñ General prokuraturası teşkerüvler başlağanı aqqında haber etti.
«Endi General prokuraturanıñ teşkerüvleri başladı, olar, men Qırım aqqında aytqan sözlerimi teşkereler, biz resmiy mektüp aldıq», — dep haber etti Sobçak, «Eho Moskvı» radiosınıñ efirinde.
Sobçak tahmin etkenine köre, onıñ ibareleri, onıñ elektron reytingine urğandır. Özüniñ areketleini izaatlağanda, Sobçak, «müim olğan şeyler aqqında aqiqatnı aytmağa keldim», dedi.
Hatırlatamız, Kseniya Sobçak 24 oktâbr künü, Rusiye prezidenti saylavları boyunca yapqan çıqışında, Rusiye öz mecburiyetlerini bozdı, amma Qırım meselesini laqırdı etmek kerek, çünki yarımadada «bir çoq rusiyeli bardır», dedi.
«Halqara qanun boyunca, Qırım Ukrainağa baqadır. Vesselâm», — dep ayttı Sobçak.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
