Ukrainanıñ milliy bankı qırımtatar halqı Qurultayınıñ 100 – yıllığına bağışlanğan kapik darp etecek

23.11.20176:50

22 noyabr künü, Ukraina milliy bankınıñ müzeinde qırımtatar milliy Qurultayınıñ 100 – yıllığına bağışlanğan kapikni taqdim etecekler.

«Hatıra kapigi qırımtatarlarnıñ tarihindeki müim vaqiağa bağışlanğandır – bu adise de, 1917 senesiniñ noyabr ayında Qurultaynıñ birinci syezdiniñ olıp keçmesidir», — dep aytılğan haberde.

Kapikniñ bir tarafında Ukrainanıñ tuğrası, mavı tüste Qırımnıñ harita şekili, onıñ üstünde ise, qırımtatarlarnıñ gimninden bir qaç satırlar yazılğandır: «Ant etkenmen, söz bergenmen, millet içün ölmege». Onıñ aşasında ise, tamğa da yerleştirilgen, dep haber ete «Qırım.Aqiqat».

Kapikniñ ekinci tarafında ise, cami ögünde qırımtatar milliy syezdiniñ delegatları tasvir etilgendir. Ve eki tarafından qırımtatar ve rus tillerinde: qırımtatar halqınıñ Qurultayına 100 yıl tola, degen yazısı da bardır.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız. 

Фото аватара

Автор: Редакция Avdet

Редакция AVDET