Sankt – Peterburgdaki mahkeme, 44 yaşlı, Kislovodsktan olğan Vladimir Timoşenkonıñ eki yıl apis cezasını berdiler. Bu adamnıñ qabaatı «Vkontakte» ağında memurlar aqqında yapqan yazısı oldı. Timoşenkonı akimiyet temsilcilerine qarşı nefret duyğularını doğurgğanında qabaatladılar.
Tahqiqatnıñ fikirine köre, Timoşenko 2015 senesiniñ avgust ayında, koloniyada bulunğan vaqtında «Vkontakte» ağında, öz dostuna «halqqa qarşı olğan rejim», ve «cezalaycı – repressiv apparatı», dep yazılar yollağan eken. 2016 seneniñ dekabr ayında Timoşenkonı koloniyadan azat ettiler. Eki aftadan ise, onı memurlarğa qarşı nefret duyğuları doğura, dep qabaatladılar ve apis ettiler.
Timoşenko öz qabaatını inkâr ete, ve mahkeme ükümini temyiz etecek ola. Cezalanğanınıñ advokatı aytqanına köre, Vladimir Timoşenkonıñ areketlerinde cinayet terkibi yoq.
Hatırlatamız, «Vkontakte» içtimayi ağı – yollanılğan şahsiy haberlerni tarir etme funktsiyasını kirsetti.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
