2018 sneniñ yanvar ayından Rusiyede birinci balağa er ay 10, 5 biñ ruble töleyceker. Tolemeler balanı bir buçuq yaşına qadar devam etecek.
Bu aqta 28 noyabr künü Rusiye prezidenti Vladimir Putin bildirdi.
Onıñ aytqanlarına köre, bu tölemelerniñ miqdarı, belli bir regionda balağa belgilengen yaşayış azğarından sayılıp çıqılacaq.
«2018 senesinde bu tölemeler, orta qarar 10523 ruble, 2019 senesi – 10836 ruble, 2020 senesi ise, 11143 ruble olacaqtır. Tölemeler ismiy olacaq, aileniñ keliri de köz ögüne alınacaq. Men belesem, birinciden, kerçekten de muhtac olğanlarğa qol tutsaq, bu adaletli olur», — dedi devlet başı.
Qoşma olaraq, prezident, böyle töleme yaşayış azğarından bir buçuq kereden aşmağan ailelerge berilecek, dep ayttı.
Üç yıl içinde bu programmanıñ yerine kelmesine 144,5 miliard ruble sarf etilecek, dep haber ete «RİA Novosti».
Bunıñnen birlikte, Vladimir Putin, ükümetke ana kapitalınıñ tölenmesi 2021 senesine qadar devam etilmesini buyurdı.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
