Belli yırcı, Ukraina halq artisti Camala ve onıñ ömür arqadaşı Seit Bekir Suleymanov birinci balları olacağını bekleyler. Bu haberni yırcınıñ matbut hızmetinde tasdıqladılar.
«Soñ vaqıtları bizden Camalanıñ yüklülügi aqqında pek çoq soraylar. Bu kerçek haber», dep «KP-Ukraina» Camalanıñ temsilcilerini tsitata ettire.
Yırcı özü de, bu haberni inkâr etmedi.
«Elbette, men bu haberni gizli tutmağa istedim, tek yaqınlarımnen paylaşır edim, amma çoqusı insanlar, endi farqına barılar. Bu dünyada eñ balaban mücizedir!», — dep yazdı Camala özünriñ İnstagram saifesinde.
Hatırlatamız, Camala ve Seit Bekir Suleymanovnıñ toyları bu yıl aprel ayında olıp keçti. Tedbir Kiyevde, İslam medeniy merkezinde, musulman ve qırımtatar adetlerini kütken şekilde oldı.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
