Tataristanda tatar tilini mecburiy tarzda ögrenilmesini lâğu ettiler

29.11.201721:46

Tataristanda tatar tilini mecburiy tarzda ögrenilmesini lâğu ettiler. Böyle qaydeler, Rusiyeniñ maarif nazirligi tarafından işlep çıqarılğan oquv planında bardır.

Tatar tilini, devlet tili olaraq, aftada eki saat, göñülli tarzda ögrenilmesine Tataristan devlet şurasınıñ 33 – toplaşuvında, bir ağızdan episi mebuslar rey bergen edi.

Hatırlatamız, biraz evel prokuratura, tatar tiliniñ mecburiy tarzda ögretilmesini qanun bozuv, dep saydılar.

Avdet haber etkeni kibi, öz çıqışında Rusiye prezidenti Vladimir Putin, milliy regionlarınıñ tillerini ballar tarafından mecburiy ögrenilmesine qarşı çıqqanını bildirgen edi.

Hatırlatamız, Qazanda ballar yigirmi yıl devamında, tatar konstitutsiyasınıñ bütün ciddiyliginen tillerini ögrendiller – aftada 6 saat rus tili ve edebiyatı ve 6 saat – tatar tili ve edebiyatı fenlerini.

Tatar tilini ögrenme mevzusınen, tafsilȃtlıca bu yerde tanış ola bilesiñiz.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.