Kiyevde ukrain tiline tercime etilgen Kuran nushasınıñ beşinci neşiri çıqtı

30.11.201712:21

29 noyabr künü Kiyevde Kuran nushasınıñ ukrain tiline tercime etilgen beşinci neşiri taqdim etildi.

Bu aqta Gazeta.ua bildire.

«Ukrainada İslam» portalınıñ bildirgenine köre, nushanıñ beşinci neşirini, pek balaban talaplar olğanı içün basmağa mecbur oldılar, çünki ondan evel azırldanğan dört tiraj pek tez alınıp bitirildi. Beşinci neşirde bir çoq deñişmeler bar, birinciden anda bazı bir adlar deñiştirilip yazıldı, basılğan vaqtında peyda olğan hatalar tüzetilip, bazı tercimelerde doğrutıldı.

Arap tilinden ukrain tiline tercime etilgen nushanıñ müellifi tarih ilimler namzeti, şarqşınas ve musulman dünyasınıñ araştırmacısı Mihail Yakuboviçtir.

Taqdim etilgen soñ, nushanıñ bütün tirajını (1200) islam medeniy merkezlerine «Alraid» Bütün Ukraina assotsiatsiyası, Ukrain musulmanları diniy idaresiniñ camilerine berilecek, andan olarnı isgenler ala bilecek.

Qurannıñ beşinci neşiri Birleşik Arap Emiratlarında yaşağan ukrain cemaatçılığınıñ qol tutuvı ile çıqarıldı.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET