Kelecek aftanıñ başından, ava birden 12 derecege suvuycaq

01.12.201720:45

Kelcek aftadan Qırımda avanıñ suvuması ve qar yağması beklenile.

Bu aqta Qırım gidrometmerkeziniñ reisi Tatyana Lübetskaya haber etti.

«Bazarertesi künü, Qırım boyunca suvuq atmosfer cebesi keçecek. Yarımadada yağmur, bir çoq yerlerde küçlü yağmur qarnen beraber yağacaq», — dedi Qırımnıñ baş sinoptigi.

Klegey buz ve sılaq qar olacağını da ihtar etti.

Lübetskayanıñ aytqanına köre, yarımadada, ava, birden 10 – 12 derecege suvuycaq.

«Şimaliy rayonlarda 2 derecege qadar suvuq olması tahmin etile, yalı boyunda ise, sıfırdan yuqarı 3 derece olacaqtır. Kelecek afta içinde yarımadanıñ şimalinde 3 – 4 derece suvuq olacağı belgilene, cenübiy tarafta ise, 0…+3 derece olması beklenile. Amma bir qaç künden ava bir daa deñişecek», — dedi Lübetskaya.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET