Qırım mahkemesi, kelecek afta, 23 noyabr künü yaqalanğan qrımtatar faallerniñ apis etilmesine qarşı berilgen istinafnı baqacaq

01.12.201721:25

Qırımda, 23 noyabr künü yaqalanğan qırımtatar faalleri Kazim Ametov, Asan Çapuh, Ruslan Trubaç ve Bekir Degirmenciniñ, apis etilmesine qarşı berilgen istinaf şikâyetleriniñ baqılacaq künleri belgilendi.

Advokat Edem Semedlâyev bildirgenine köre, dava oturuşı Qırımnıñ Yuqarı mahkemesinde keçecek: Bekir Degirmenci ve Ruslan Trubaçnıñ işleri – 6 dekabr künü, saat 10:00, Kazim Ametov ve Asan Çapuhnıñ davaları – 5 dekabr künü, saat 14:00 keçirilecektir, dep haber ete «Qırım.Aqiqat».

«Biz er vaqıt yahşılıqqa ümüt etemiz, ve ev tevqifi aqqında isteycekmiz», — dep qoştı Semedlâyev.

Hatırlatamız, Aqmescitniñ Kiyev rayon mahkemesi 24 noyabr künü, 2018 senesiniñ 15 yanvarına qadar, qırımtatar faalleri Kazim Ametov, Asan Çapuh, Ruslan Trubaç ve Bekir Degirmencilerni tevqif altında qaldırdı.

Hatırlatamız, yaqalanğanlarnı, Türkiye vatandaşından yapqan «büyük kölemde cerrarlıqta» qabaatlaylar. Qırım boyunca çalışqan Rusiyeniñ İçki İşler Nazirligi, Rusiye Cinai kodeksiniñ 163 maddesiniñ 2 qısımı boyunca («Bir gruppa insanlar tarafından yapılğan cerrarlıq») «cinai dava açtı».

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET