Abdül Seit-Amet – çölmekçi, dizayncı, grafikçidir.
1970 senesi Özbekistannıñ Taşkent şeerinde doğdı. 1989 senesi Taşkent Benkov adına bediiy oquş yurtunı bitirdi. 1994 senesi Harkov bediiy-sanayı institutını, “grafik dizaynı” ihtisası boyunca bitirdi. Vatanğa, Qırımğa 1995 senesi qayttı. Seyircilerni plastik şekillerniñ inceliginen ve malzeme işlemesiniñ nazik usulınen ayreytte qaldırğan, özgün çölmekçilik mahsulatlarnıñ eser saibidir. Usta, Bağçasarayda “Qırım yañıdan tiklenüv fondu” yardımınen çalışqan “Çölmekçiler” keramik studiyasında reberlik etti. Studiyada Eldar Guseynov ve İrina Uşakova kibi usta-çölmekçilerge zenaatnı ögretti. “Qırım tarzı” seminar ve sergilerniñ iştirakçisidir. Ukraina ressamlar milliy birliginiñ azasıdır. Ukraina halq ustalar milliy birliginiñ aza namzetidir.
OLYMPUS DIGITAL CAMERA
