Rustem Seytmemetoviç Yakubov – çölmekçi, eykelci, pedagogdır.
Tarihiy vatanından uzaq, Özbekistannıñ Taşkent vilâyetiniñ Kibray qasabasında 1966 senesi avgust 5 künü dünyağa keldi.
Mektepni bitirgen soñ, P. Benkov adnda Cumhuriyet
bediiy oquv yurtunıñ eykel bölügine kirdi (1980-1985 yy.). Öz icadiy
faaliyetini Taşkent eykel ve abideviy sanat kombinatında eykel-icracı olaraq
devam etti.
Sovet ordu hızmetinde bulunğan soñ, 1988 senesi
N. Ostrovskiy adına Taşkent teatr-bediiy institutınıñ çölmekçilik bölügine
kirdi.
1993 senesi Taşkentteki “Gelios” kiçik müessiseniñ baş
ressamı ola.
Qırımğa 1995 senesi qayttı. 1998 yılından başlap,
Aqmescit bediiy fondunda ressam-çölmekçi olaraq çalıştı.
Qırım müendislik ve pedagogika üniversitetiniñ (2002-2013 yy.) dekorativ-ameliy sanatı kafedra studentlerine ve “Balçıq örnekleri” (“Glinânıye uzorı”) (1999 y.) bala çölmekçilik mektep-studiya talebelerine çölmekçilikniñ yapma usullarını ögreterek, qırım dekorativ-ameliy sanatınıñ yañıdan yaratıluvına büyük bir isse qoştı.
Çeşit seviye, ayrıca halqara, sergilerniñ iştirakçisidir. Rustem Yakubovnıñ abideviy işleri meşurdır, meselâ: efsaneviy qaraman Alim Azamatqa bağışlanğan tiklitaş, “Ayşe”, “Kervan-Saray”, “Ay-Petri” ve başqa restoranlarını yaraştırğan, qırımtatar adetleriniñ ince duyğusunen yapılğan çeşmeler. Ustanıñ kiçik plastika, vazanıñ has süjet kompozitsiyaları da meraqlıdır.