Ukrainada insan aqları boyunca Birleşik Milletler Teşkilâtınıñ monitoring missiyası Qırım yarımadasında insan aqları saasındaki halqara aqlarnıñ ve halqara içtimaiy aqlarınıñ bozulmasını vesiqalaştırmağa devam ete.
Bu aqqında, 16 noyabr 2019 senesinden 15 fevral 2020 senesine qadar vaqıtnı qavrağan, insan aqları boyunca Birleşik Milletler Teşkilâtınıñ Yuqarı komissar İdaresiniñ yañı maruzasında aytılmaqta.
“Esabat devrinde [işğal etilüvinden] başlap Rusiye Federatsiyası onuncı askerlikke çağıruv kampaniyasını keçirdi. Bunıñ çerçevesinde Rusiye Federatsiyasınıñ silâlı quvetlerine Qırımdan eñ az 3000 erkek çağırıldı”, – dep monitoringde bildirilmektedir.
Maruzada, halqara içtimaiy aqlarına köre “Rusiye, işğalci devleti olaraq, qoruma altında bulunğan insanlarnı onıñ silâlı ya da yardımcı quvetlerinde hızmet etmege mecbur etip olamay” dep hatırlatıla.
