Sadıh Acı-Selimov… Ressam ile körüşüv bir quvançtır… Er zaman ressamnıñ gizli bir şey bilgeni, sen farq etmegen maiyetni körgeni tüşünile… Ressamnen, em de bütün halqnıñ devir taqdirinen olğan bir ressamnen, qarşılaşmaq – bu büyük bir muvafaqiyet ve adisedir!
Nasıl dünya alğısı olsa, öyle de resim olur. Ebet, resimler! Bütün divarda, em er köşesinde süjetnen ve umum mevzunen ve ep epik, ğayet emiyetli, neticede ise o qadar yaqın ve dünyaviy… Sadıh Acı-Selimov – halqınıñ taqdirine saip bir ressamdır. Añlatqanına köre, balalıqta, aman sürgünden soñra, Asiyanıñ sıcaq qumlarında resim yapmağa başladı ve evniñ divarında ilk olaraq deñiz ve vapur canlanğanı iç de şaşırtıcı degil.
Tüşlerinde ve ayınıqta kelgen Qırım… Bugün Sadıh bey tekrar vatanında ve 87 yaşlarında resim yapa da yapa. Uzaq künlerniñ obrazlarınıñ ve onnen beraber Üskütniñ er sakininiñ tarihınıñ resimini yapa… Ve birinci kere körgenine baqmadan, yaqın bir insannı tapmaq ne büyük muvafaqiyet ve sevinçtir!
Üsküt menim içün yañıdan yaşadı… Üsküt, Aluşta. Gençlik renklerinen ayat küzü… Sizniñ de toqunmañıznı isteyim, ve, dostlar, sizge 87 yaşındaki ressamnıñ çoq-çoq planı olğanını aytmağa isteyim – bu katalog bastırmaq, cenkten soñraki resimlerni restavratsiya etmek, resimlerni körsinler arzusı, balalarnı ögretmek arzusıdır.
P.S. Ve meraqnen tetqiq etkenim, köy meydanındaki abide, Sadıh Acı-Selimov tarafından, 80 yaştan soñra yapılğan bir abidedir!
Fatma KAŞKA, 2017 s.
