Doğma Gurzuflı Ayşe apa Memetova yüzünci yılını qayd ete

13.03.202111:30

Ayşe Seydamet qızı Memetova (Reizova) bu künlerde yüzünci yılını qayd ete. 10 mart 1921 senesi Gurzufta doğdı, balalığı ve gençligi mında keçti. 14 yaşında Yalta pedagogika oquv yurtına kirdi. Sürgünlikte Taşkent vilâyetiniñ Begabat şeerine tüşti. Qızı Seyare hanumnıñ aytqanlarına köre, aile daa soñra Fergana vilâyetiniñ Kökand şeerinde yerleşti.

1958 senesi sağlıq sebebinden Memetovlar qorantası vatanğa yaqın, Krasnodar krayınıñ Tuapse şeerine köçeler. Taqdirniñ iradesi ile mında 63 yıl yaşadılar ve bu künge qadar yaşaylar. Ayşe apa eki qıznı östürdi, beş torunı ve 13 torunnıñ balaları bar.

Avdet gazetanıñ muarririyeti ve bütün vatandaşlar Ayşe apağa, onıñ doğmuşlarına, yaqınlarına sağlıq, baht-seadet, ilham ve amanlıq tiley.

Уроженка Гурзуфа Айше-апа Меметова празднует столетие — avdet.org

Author: Редакция Avdet

Avdet gazetası