Aqmescitte Qırımtatar medeniy-tarihiy miras müzeyinde genç kollektsioner Abdul Vahab Seythalilovnıñ «Bağçasaray. Tamırlarğa yol» adlı sergisi açıldı.
Müzeyniñ dört zalında levha şeklinde ev interyerini, turmuş eşyalarını, savutlarnı, kostüm elementlerini, qırımtatarlarnıñ ilvanlarını körmege mümkün – Crimeantatars.club beyan etmekte.
Abdul Vahab Seythalilov unikal kollektsiyasını bir qaç yıl boyunca dünyanıñ çeşit memleketlerinde topladı. Sergi, aynı adlı ilk kitabınıñ yayınlamasına zamanlanğandır.
«Şimdi sergide mevcut olğan bir çoq şey, vatanına qaytqan şeylerdir. Qırım muacirleriniñ şeyleridir, bu bir qaç icret dalğasıdır», – dey kollektsioner.
«Bağçasaray. Tamırlarğa yol» sergisi ziyaretçiler içün eki ay devamında açıq olacaq.
Foto: Zera Ablâzis
