Lenur Velilâyevniñ fırçısından güzel manzaralı Qırım

07.04.202114:10

Lenur Velilâyev / Küçlü alqa

Kilseler, camiler, sinagogalar, deñiz, kün batuvı, yıl mevsimleri, eski ve zemaneviy manzaralar, Kezlev, Gurzuf, Aluşta, Balıqlava soqaqları, bir sıra natürmortlar – bularnıñ episi genç Qırım ressamı Lenur Velilâyevniñ icadında akis etile.

lenur

Lenurnıñ balalığı ve yaşlığı Kezlevde keçti, bu yerde o, ressamlıq mektebini bitirdi. Bundan soñ N. Samokişa adına Qırım ressamlıq oquv yurtu ve Harkovda dizayn ve sanat ressamlıq akademiyasında oqudı.

«Balalıqtan resim yapmağa başladım, amma ana-babam bunı inkişaf etmege yardım etti. Babam mimar, oña baqıp, men de resim yapmağa istedim, anam ise, muzıka ve merametlikke sevgi aşladı, o, logoped», – dep ayta ressam.

ulochka-v-gurzufe-h-m-40h100-2016

Gurzuf soqağı, 2016 s.

Lenur Velilâyevniñ işleri müzeylerde, galereyalarda ve Rusiye, Ukraina, AQŞ, İsveçre, Frenkistan, İngiltere, Montenegro, Urdun, Özbekistanda şahsiy taqımlarda saqlanıla. Lenur esasen manzara ve natürmort resimlerini yapa. Velilâyevniñ resimleriniñ çoqusı Qırım mevzusına bağışlanğan – esasen bu, Kezlev ve cenübiy yalı boyu manzaralarıdır. Ressamnıñ işleri pek parlaq, çeberliknen yapılğan. Resimler o qadar çoq ki, ressam onıñ tam sayısını aytıp olamay.

kezlevskie-vorota-h-m-70h80-2016

Kezlev qapısı, 2016 s.

«Resimlerimni em körgenlerimden, em de teessuratlarımdan yapam, bazı da iş apansızdan yapılğan lekelerden başlana, soñra ise, olacağı ola… Yeterli qadar tez, şimdi ve bu yerde resim yapam. Er angi resimni, neticede begenmek kerekim, dep yapmağa tırışam», – dep paylaşa ressam.

skaly-v-malom-sadovom-h-m-70h80-2016

Küçük Süyrende (Maloye Sadovoye) qayalar, 2016 s.

ulochka-v-bahchisarae-h-m-70h70-2016

Bağçasaray soqağı, 2016 s.

otel-bahitgul-bahchisaraj-h-m-70h80-2016

Bahitgül musafirhanesi. Bağçasaray, 2016 s.

Lenurnıñ fikrince, qırımtatar medeniyeti, umumen olaraq, bugün yañıdan tiklenile.

«Onıñ inkişafı içün, bellesem, halq adetlerini hatırlamaq ve ürmet etmek kerektir, em de eliñden kelgenini yapmalı!» – dep ayta ressam.

lenur-velilyaev_

İcadiy ve ruhiy inkişaf, esas icadiy planlar cedveline kire.

«Bellesem, sanat güzel olmalı, dünyanı merametlik, sevgi, quvançqa tolu etmeli ve nur saçmalı. Bunı işlerim vastasınen ömürge keçirmege tırışam. Dünya meni ilhamlandıra», – dep añlata Lenur.

Boş vaqıtta o, muzıka diñley ve çalğı aletlerini çala.

mechet-dzhuma-dzhami-evpatoriya-h-m-70h80-2016

Cuma Cami. Kezlev, 2016 s.

bolgarskij-perets-h-m-80h80-2015

Biber, 2015 s.

vecher-v-gurzufe-h-m-50h100-2015

Gurzufta aqşam, 2015 s.

plod-strasti-h-m-80h80-2015-2

Alev meyvası, 2015 s.

mechet-v-bahchisarae-h-m-70h80-2016

Bağçasarayda cami, 2016 s.

belaya-skala-h-m-80h80-2015

Aq Qaya, 2015 s.

ambulatoriya-v-plotinnom-h-m-70h90-2016

Ğavrda (Plotinnoye) ambulatoriya, 2016 s.

karaimskie-kennasy-evpatoriya-h-m-70h80-2016

Qaray kenassaları, 2016 s.

Author: Редакция Avdet

Avdet gazetası