Vatan ve vatanperverlik aqqında atalar sözleri

16.05.202113:04

Ana yurtuñ – altın beşik.


Vatan – ekincı anañ.


Vatansız adam – yırsız bülbül.


Ana kibi yar olmaz,
Vatan kibi yer olmaz.

Vatan – doğmuş anañ ise,
Ğurbet il – ögey anañ.


Başqa ilniñ sultanı olğance,
Öz iliñniñ çobanı ol.


Vatan – doğmuş anañ ise,
Vatan sevgisi – sevgilerniñ eñ büyügidir.


Er keske öz Vatanı tatlı.


Ğurbetlik gülni soldurır.


Quşnıñ da tuvğan yuvası bar.


Duşmandan qorqqan, duşmannen dost olur,
Vatanını sevgen – ernen.


İşiñ Vatan oğrunda ise,
Babañnnñ da hatrını sayma.


Tuvğan ana – bir,
Tuvğan Vatan – bir.


Yarından ayırılğan yedi yıl ağlar.
Vatanından ayırılğan ölgence ağlar.


Vatanğa hızmet etkeniñ – özüñe hızmet etkeniñ.


Tuvğan ilniñ yeri – cennet suvu – şerbet.


Eski yurtnıñ qadiri yañısında bilinir.


Qaplıbaqa da öz qabına baqıp:
– Öz evim, öz sarayım, – degen.


Ana yurtuñ aman olsa,
Tüs – çırayıñ sararmaz.


Yurtu baynıñ özü bay.


Bülbülge altın qafes bile zindandır.


Er quş öz yuvasını begenir.


Er gül öz pıtağında açar.


Baqa – batağına, balıq – gölüne.


Vatan içün otqa tüşseñ, yanmazsıñ.


Vatanına hiyanet etken, öz anasına hiyanet eter.

Author: Редакция Avdet

Avdet gazetası