Osman İslâmov

04.07.202113:41

Osman İslâmov 1989 senesi Akmescit rayonnıñ Kiçkene köyünde doğdı. Bütün bar olğan eyi hatırlavları tuvğan köyüniñ ayrı soqaqları, köşelerinen bağlı…

Mektepten soñ dört yıl devamında Tavriya içtimaiy-ekologiya institutınıñ dizayn fakultetinde oqudı. Tasilni Qırım müendislik-pedagogika universitetinde devam etti. Qırım çiftçilik-sanayı köllecde, daa soñra boyacı tsehte, ondan soñra Gasprinskiy adına mediamerkezinde ressam olaraq çalıştı.

 Şimdiki zamanda “Armançıq” mecmuasınıñ hadimidir. Bu iş ressamnıñ qabiliyetiniñ yañı tarafını açtı.

Onıñ fikrine köre, qırımtatar sanatkârı olmağa isteseñ, mıtlaqa şimdiki ve kelecek nesillerini “qırımtatarcasına” terbiyelemek kereksiñ.

“Til bilgisi – bu işniñ temelidir”,  – dep saya Osman.

Osman İslâmov ayrıca kitap resimlemesinen de oğraşa. Meselâ,  “Cemil Kence. Bala şiirleri. I kitap” ve “Resimli elifbe. Bu kitaplar qırımtatar elifbesini latin urufatında neşir etildi.

Ressamnıñ soñ leyhalarından biri – You Tube kanalınıñ açılmasıdır. Saytnıñ büyügeninen onıñ yüreginde ayrı, cemaatnen bağ tutma duygusı peyda oldı. Yaşayış devamında toplanğan fikir, is, bilgilernen paylaşmağa tırışa.

Kitaplarnıñ cıltları:

1.      Memetova A.M., Memetov İ. A. “Etniçeskaya istoriya krımskih tatar”;

2.      İ. Gasprinskiy “Rossiya, Zapad i musulmanskiy mir”;

3.      E. Çelebi “Krım i sopredelnıye oblasti”;

4.      B. Ablâyev “Bekle meni, deñiz”;

5.      E. Şemi-zade “Saylama eserler”;

6.      A. Velâyev “Sıñırsız alem”.

Cılt ve illüstratsiyalar:

1.      R. Suleymanov “Tılsımlı masallar”;

2.      “Terbiyeli balalar”;

3.      Qırımtatar halq masalları. Krımskotatarskiye narodnıye skazki “Altın alma. Zolotoye yabloko”;

4.      O. İslâmov “Resimli elifbe. Azbuka v kartinkah”.

instagram.com: resimci_osman,  youtube.com: resimci Osman

Author: Редакция Avdet

Avdet gazetası