Rusiyе Avropa Şurası Parlament Assambleyasında Ukrainanıñ tamır halqları qanunına çorlandı

04.07.202116:32

Rusiye vekilleri Avropa Şurası Parlament Assambleyasında (AŞPA) Ukraina Yuqarı Şurası tarafından tamır halqları qanunınıñ qabul etkenine nazarlıq bildirdi.

Rusiye vekilleriniñ arizası AŞPA saytında yerleştirilgendir. Rusiye vekilleri başlığı, Devlet duma vitse-spikeri Petr Tolstoy da bu mevzuda haber berdi.

«Rusiye, AŞPA-da Kiyev areketleri ile bağlı nazarlığını bildirdi. Ukraina tarafı areketleriniñ takbihine yönelgen teşebbüsimizni Sırbistan, Erministan, Macaristan, Moldova mebusları tarafından desteklendi. Kiyevniñ areketlerinden memnün olmağanlarnıñ sayısı çoqlaşacağından eminim: insanlar segregatsiyanıñ neticesi ne olğanını alâ da hatırlaylar», – tafsir etti Tolstoy.

Rusiye vekilleri AŞPA-da arizasında, Ukrainada tamır halqları aqqında qabul etilgen qanun «etnik rus, macar, leh, romen, belorus, moldov, yunan, slovak ve diger etnik gruppalar vekillerniñ aqlarını bozğanını» belgiley.

Rusiye AŞPA-dan «Ukrainadaki milliy azlıqlarnıñ aqlar meselesini közden keçirmek ve öz qararını bermesini» talap etti, dep «KrımRealii» haber ete.

Ukrainanıñ Yuqarı Şurası, esas olaraq ve umumen Ukraina tamır halqları qanun leyhası içün rey berdi. «Qabul olması» içün 325 mebus çıqışta bulundı. Ukrainanıñ, Qırım yarımadasınıñ topraqlarında şekillengen tamır halqları – qırımtatarlar, qaraylar ve qırımçaqlardır.

Фото аватара

Автор: Редакция Avdet

Редакция AVDET