Qırım dizayncısı Nize Emirşah Qazanda kollektsiyasını taqdim etti. «Ayat tarzı – medeniy koddır» ilk etnik-fashion festivalinde Nizie/ Nizie Emirşahnıñ brendi Anna Green çanta brendinen birlikte eki köstermede taqdim etildi. Qazandaki festival – Rusiye, MDİ (Mustaqil Devletler ittifaqdaşlığı) memleketlerniñ, Avropa ve Asiya regionlardaki icatkâr insanlarnı birleştirmek içün bir meydançıqtır. Tedbirde esnafçılar da iştirak etti, Qırımnı cölmekçi Aziz Velilâyev taqdim etti. Nize Emirşahnıñ kollektsiyası – qırımtatar elementleri olğan zemaneviy kiyimlerdir. 2020 senesi Nize Emirşah Milandaki Moda aftasında köstermeni muvafaqiyetnen keçirdi. Onıñ kollektsiyası Avropada sıcaq qarşılandı. Nize – dünya moda kösterme ve festivallerniñ iştirakçisidir. Dizayncı iyün ayında «Baykalda etnikpodium» halqara festivalinde kollektsiyasını taqdim etti.
CrimeanTatars materialına köre azırlandı.
Foto: Nizie Emirşah
