Qırımnıñ, Eski Qırım şeerinde bulunğan eñ eski camisini – Özbek Han camisini mükemmelleştirmege ve sayısı soñ vaqıt artqan cemaat içün daa raat alğa ketirmege qarar berdiler.
Caminiñ qurulışı 1314-ünci yılına tayana, Altın Ordu devrine ait. Özbek Han camisi faaliyet köstere. İmam Ennan Sadredinovnıñ sözlerine köre, camide yeterlice qaranlıq edi, bu em cemaat, em de ibadet vazifedarlarını raatsız ete edi. Bu sebepten cami binasını daa yarıq ve aydın yapmağa qarar alındı. Bundan ğayrı, cemaat sayısınıñ artması sebebinden caminiñ alanını kenişletmege ihtiyac peyda oldı. Bunı ekinci qat, balkon qurıp yaptılar. Aynı zamanda yapınıñ özgünligini ve devirniñ müitini saqlamaq kerek edi. Caminiñ balkonını ağaç ustası Eldar Abibullayev yaptı.
Aydınlatmanen bağlı müim vazifeni baqırcı Rustem Dervişke ve fener ustası Enver Yaşlavskiyge emenet ettiler.
Yañı aydınlatma işleri eki yıldan ziyade devam etti. Er eşya (lampat, fener, qandil, vitraj) qırımtatar ustaları tarafından qolen yapıldı, dep bildire Crimeantatars.club
