Makeme, 3-4 sentâbr künleri tutulğan Nariman Celâl, Asan ve Aziz Ahtemovlar, Eldar Odamanov ve Şevket Üseinovğa, tahqiqat vaqtı devamında, sıñırlama tedbirini sayladı.
Böylece, Nariman Celâl ve Ahtemov qardaşları 4 noyabr kününe qadar tevqifli olacaq. Hatırlatayıq, olar RF-nıñ ceza qanunnamesiniñ 281-inci maddesine (birinci bölük) köre diversiya, cinayet işleme ile qabatlanalar. Sanki olar Aqmescit rayonınıñ Peravalnoye rayonınıñ gaz hattınıñ bozdılar.
Kezlevdeki Eldar Odamanov ve iş bericisi Şevket Üseinov, RF-nıñ memuriy uquq bozuv aqqında qanunnamesiniñ 19.3 maddesine (polis hadimi, arbiy hadim, FSB organları hadiminiñ qanuniy emrine itaatsızlıq) köre 14 ve 15 künge tevqif etildi.
Bundan ğayrı, tutulğan Aziz Ahtemovnıñ babası Eskender Ahtemov 10 künge, Asan Ahtemovnıñ doğmuş ağası Arsen Ahtemov 15 künge tevqif etildi.
