Bitmegen türlü sınavlar…
Küneş doğmaz sabalar,
Babasız qalğan balalar,
Evlâdını beklegen analar…
Çılğın, añlamsız suçlama,
Zülümler kün-künden arta:
Mahkeme iftira yarata
Halqımnı apiske ata…
Qırımnıñ cesür evlâdı!
Kahramandır seniñ adıñ
Nice tarihler yaşandı —
Zalimni adalet ep yendi!
Ayta edi evelden atalar
«Quvanmañız siz yavurlar!»
Qırımda kene kün doğar
Allah sizge keser cezalar!
06.09.2021