Asan Ahtemovnı mustaqil bir advokat qorçalaycaq

13.09.202118:09

Tutulğan Asan Ahtemovğa mustaqil advokat Ayder Azamatov izin berildi.

Qorçalayıcı bunı Facebook saifesinde bildirdi.

«Bugün Aqmescit SİZO-sında (tahqiqat tevqifhanesi), evelki eki deñemeden soñ Asannı körip oldım. Qorçalama içün onıñnen doğrudan-doğru bir añlaşma imzaladım ve daa evel tayinlengen advokatnıñ red etmesine dair şahsen ondan bir ariza aldım. Soravı yapıldı, ekim sırrını tertip etken malümatnı almaq içün ruhset alındı», – dep, yazdı Azamatov.

Daa evel Ayder Azamatov, Asannen körüşmek izin bermegenlerini bildirdi.

Hatırlatayıq, Asan ve Aziz Ahtemovlarnı RF-nıñ ceza qanunnamesiniñ 281-inci maddesine (birinci bölük) köre diversiya boyunca qabatlanalar. Olardan ğayrı bu dava boyunca belli qırımtatar faalcisi Nariman Celâl da keçe.

Foto: Avdet Gazetası

Фото аватара

Автор: Редакция Avdet

Редакция AVDET