Anğara boğazında aydacılar ve yolcularda vesiqalar teşkerüvlerini keçirdiler

01.11.201723:14

Bügün Anğara boğazında polis hadimleri, Aluştadan Aqmescitke kelgen aydaycılarnıñ vesiqalarını teşkerdiler.

Aydaycılarnıñ aytqanlarına köre, böyle teşkerüvler, yol içinde eki kilometrlik tıqanıqnıñ peyda olmasına sebeb oldı. Vesiqalarnı em aydaycılardan, em de yolculardan teşkere ediler.

«Postqa kirmek kerek, ve aydaycı da, yolcu da öz vesiqalarını köstermek kerek. Er şey qayd etile, pasportlar foto çekile», — dep ayttı adamlar.

Böyle teşkerüvler, Aluşta yanında zararlanğan gaz borusınen bağlıdır. Ekspertler diversiya aqqında da aytalar, dep haber ete «RİA-Krım».

Ondanda başqa, tehnk bozuluqlar çıqqanı sebebinden, Rusiye – Ukraina sıñırında üç keçit noqtasınıñ işleri vaqtınca, toqtatılğan edi.

Avdet haber etkeni kibi, bir kün içinde, Qırımda eki gaz borusı bozulğan edi. Tünevin aqşam Aluşta yanındaki Kastel köyünde, bügün saba ise, Degirmenköyde (Zaprudnoye) gaz boruları sındırılğan edi.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız. 

газопровод3 газопровод4

Фото аватара

Автор: Редакция Avdet

Редакция AVDET