Qurman (Krasnogvardeyskoye) rayonındaki Novozuyevka köyünde yaşağan üç kiçik balanıñ anası Susanna Appazovanıñ evinde yüz bergen yanğınnıñ sebebi bozulğan elektrik ağları oldı.
Avdetniñ evel bildirgenine köre, üç balanıñ anası, öyle de fuqarelerden olıp, yanğın neticesinde ev ve vesiqalarsız qaldı.
Qırımtatar ressamı Elvisa Tatar vatandaşlarnı ailege yardım etmege çağırdı.
Onıñ malümatına köre, köy sakinleri bu belâğa lâqayt qalmadı, amma umumen olaraq bu köy pek faqır bir köydir, bunıñ içün kimseden büyük yardım beklemezsiñ.
Appazovlarnıñ qorantasına yardım istegenler nevbetteki bank kartına para yollay bile:
6054 7000 3476 3737
Appazova Munere Rustemovna (Susannanıñ anası)
Susanna Appazovanıñ telefon nomerası: +79780976919.
Hatırlatamız ki, bundan evel Lenura ve Nariman Asanovlarnıñ evinde 2016 senesi dekabr 29-da gece yanğın yüz berdi. Neticede qoranta evsiz qaldı, anası ve 11 yaşındaki büyük oğlu ise, 6-cı şeer hastahanesine tüşti. Asanovlarnıñ ailesi vatandaşlar tarafından cıyılğan parağa vaqtınca yaşamaq içün vagon satın alıp oldı.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
