«Aqyar» ansambli milliy mukâfat yarışında laureat diplomını aldı

26.02.20179:31
ансамбль акъяр

Aqyar medeniyet ve sanat merkeziniñ «Aqyar» halq horeografiya ansambli «Horeograf Viktor Şerşnev mukâfatı» içün halq horeografiyası saasında Milliy mukâfat Birinci qapalı grant yarışında iştirak etti. Konkursta ansambl III seviye laureatı diplomını aldı.

Susanna Osmanovanıñ reberliginde «Aqyar» ansambliniñ oyuncıları eki namzetlikte sanağa çıqtı: «Halq oyunı» ve «Altın fond», böyle etip, jürige «Çıraq oyunı», «Samolöt haytarması» ve klassik halq «Tım-tım» oyunını taqdim etti.

Yarış programmasınıñ parlaq açılışından ğayrı, icadiy taqımlar iştirakçilerine treningler, oyun ve eglence programmaları, Rusiyeniñ belli horeograflar tarafından berilgen master-klasslar teklif etildi.

Konkursnıñ esas maqsadı, Rusiyede kollektivlerge destek köstermek ve milliy horeografiyanı inkişaf ettirmektir. Yarış Sankt-Peterburg Akimiyeti ve Yaşlar siyaseti boyunca komiteti, Soçi şeeri Medeniyeti İdaresi ve Tasil ve ilim boyunca memuriyet idaresiniñ destegi ile teşkil etile.

Yarış fevral 18-20 künleri Soçi şeerinde keçirildi. Konkursta Rusiyeniñ 26 regionından tahminen 800 insan iştirak etti.

«Aqyar» vokal-horeografiya ansambli 2010 senesi sentâbr ayında qırımtatar medeniyetini yañıdan tiklev boyunca koordinatsion merkezi Aqyar bölüginiñ destegi ile teşkil etildi. Bugünki künde taqımda tahminen 50 insan bar, ansambl Aqyar medeniyet ve sanat merkezi ve Mamaşay (Orlovka) köyüniñ 46 sanlı orta umumtasil mektebiniñ esasında çalışa.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

акъяр1

акъяр2

акъяр3

акъяр4

Фото аватара

Автор: Редакция Avdet

Редакция AVDET