Avropa birligi iyün 19-da Lüksemburgda keçirilecek İçki işler nazirlikleri yolbaşçısılarınıñ körüşüvinde Qırım ve Aqyarğa (Sevastopol) nisbeten sanktsiyalarnı bir yılğa devam ettirecek.
AB Şurasınıñ tarqatılğan beyanatında bildirilgenine köre, Tışqı işler boyunca Şura Qırım ve Aqyarğa nisbeten sıñırlama tedbirlerni 2018 senesi iyün 23-ke qadar devam ettirecek.
Bu uzattıruv avtomatik olaraq, muzakerelersiz, yapılacaq. Qırımğa nisbeten sanktsiyalar yarımadanıñ Rusiye Federatsiyası terkibine kirmesi tanılmaması Avropa strategiyası çerçivesinde devam ettirile.
Qırımğa nisbeten sanktsiyalar çerçivesinde Avropa birligi öz şirketlerine yarımadada bulunğan rusiyeli şirketlernen ticaret alıp barmağa ve er angi maliye munasebetlerini qurmağa yasaq ete. Bundan da ğayrı, AB Qırımda alınğan rusiyeli tışqı pasportlarnıñ saiplerine kiriş vizalarını bermekni yasaq ete, bunen beraber, öz gemilerine yarımada limanlarına kirmege, uçaqlarına ise Qırım ava limanlarına, acele vaziyetlerden ğayrı, qonmağa yasaq ete.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
